Uittreksel
Verwydering van 80% van die bogrondse massa (op ‘n varsmassa basis) van Ehrharta calycina (gras) en Osteospermum sinuatum (bossie) in onderskeidelik die vlagblaar en blomknopstadium het ‘n skerp daling in die totale netto CO2 absorpsie van die plante tot vegolg gehad. Namate nuwe fotosintetiserende materiaal geproduseer is, het die totale CO2 absorpsie van die gesnoeide plante toegeneem om uiteindelik die van die kontroleplante te oortref.
Snoei het ook aanvanklik laer suiker‐ en styselkonsentrasies in al die organe van beide spesies tot gevolg gehad. Die gesnoeide plante het egter daarin geslaag om teen die einde van die proefperiode ongeveer diesselfde konsentrasies as die van die kontroleplante te bereik. Omdat die gesnoeide plante egter nie dieselfde hoeveelheid droëmateriaal tydens die proefperiode geproduseer het nie, het dit oor ‘n kleiner massa beskikbare koolhidrate teen die einde van die proefperiode beskik.
Weens die teenwoordigheid van fotosintetiserende blaarskedes en gevolglik verhoudelik groter fotosintetiserende oppervlakte na snoei, het die grasplante aanvanklik vinniger na snoei herstel as die bossie.
Abstract
Removal of 80% of the leaf material (on a fresh mass basis) of Ehrharta calycina (grass) and Osteospermum sinuatum (Karoo‐bush) plants during the flag leaf and flower bud stages respectively resulted in a sharp decline in net CO2 absorption. As new photosynthetic material was produced the total CO2 absorption of the cut plants increased until it eventually exceeded that of the control plants.
Cutting initially caused lower sugar and starch concentrations in all the organs of both species. The cut plants, however, succeeded in reaching approximately the same concentration as the control plants by the end of the experimental period. Due to the fact that the cut plants produced less dry material during the experimental period, there was eventually less available carbohydrates.
As a result of the presence of photosynthetic leaf sheaths, giving the grass plants a comparatively larger remaining photosynthetic surface after cutting, they initially recovered more rapidly than the Karoo‐bush.
Notes
Gebaseer op ‘n gedeelte van ‘n Ph.D. (Agric.) verhandeling, Universiteit Stellenbosch.
Adres: Departement Akkerbou en Weiding, Universiteit van Stellenbosch.