Invloed van kaliumdraende bemestingstowwe op knolopbrengs en persentasie droëmateriaal van Solanum tuberosum L. knolle

Abstract

KNO₃ het onder beheerde voedings en omgewingstoestande 'n hoër knolopbrengs as KCl en K₂SO₄ getoon. Alhoewel KCl 'n hoër knolopbrengs as K₂SO₄ gegee het, was dit net in 1985 oor alle cultivars (cv. BP1, Vanderplank, Up-to-date, Pimpernel) beduidend. KNO₃ het beduidend meer en grater knolle as KCl en K₂SO₄ gegee, terwyl KCl weer minder en groter knolle as K₂SO₄ geproduseer het. Hierdie verskil was nie betekenis- vol nie. Wat opbrengs betref is daar interaksies tussen kaliumdraers en cultivars gevind wat daarop dui dat alle cultivars nie dieselfde teenoor kaliumdraers reageer nie. KCl en K₂SO₄ het in beide jare ten opsigte van droëmateriaalinhoud (DMI) van knolle nie statisties beduidend verskil nie, alhoewel K₂SO₄ altyd die hoogste DMI getoon het. 'n Hoogs beduidende positiewe korrelasie is tussen DMI en soortlike massa (SG) van knolle waargeneem en 'n swak negatiewe korrelasie tussen knolmassa en DMI.

Keywords:

• Potassium carriers
• potatoes
• tuber dry matter content (DMC)
• tuber size
• tuber yield