Abstract
Optimale blom- en plantperiodes vir besproeiingskoring is bepaal vir 15 lokaliteite in die sentrale besproeiingsgebiede van die RSA deur gebruik te maak van historiese temperatuurdata en die PUTU koringgroeimodel. Die hoogste gemiddelde opbrengs is gesimuleer met blomperiodes wat oor die algemeen vroeër was as blomperiodes met laagste gesimuleerde risiko vir rypskade. Gesimuleerde opbrengsreaksie op blomdatumvertraging het gewissel van −3.5% per week by Sandvet tot −6.7% per week by Prieska. Die aanvangsdatum van optimale plantperiodes soos bepaal met behulp van hierdie simulasies toon oor die algemeen goeie ooreenstemming met aanvangsdatums van plantperiodes soos aanbeveel deur die S.A. Departement Landbou Ontwikkeling (DLO). Uittreedatums van gesimuleerde optimale plantperiodes is egter meestal vroeër as wat aanbeveel word deur die DLO.
Keywords: